ڈسٹرکٹ پولیس آفیسر اٹک رانا شعیب محمود کے احکاما ت پر ڈگری کالج فار وویمن اٹک میں طالبات کی ہراسگی سے تحفظ کے بارے میں سیمینار کا انعقاد

ڈسٹرکٹ پولیس آفیسر اٹک رانا شعیب محمود کے احکاما ت پر ڈگری کالج فار وویمن اٹک میں طالبات کی ہراسگی  سے تحفظ کے بارے میں سیمینار کا انعقاد 
اٹک پولیس خواتین کے تحفظ کو یقینی بناتے ہوئے کسی شخص کو عورتوں کے حقوق کی خلاف ورزی کی اجازت ہر گز نہیں دے گی ۔ ڈسٹرکٹ پولیس آفیسر اٹک رانا شعیب محمود
تفصیلات کے مطابق ڈسٹرکٹ پولیس آفیسر اٹک رانا شعیب محمود کے احکاما ت پر ڈگری کالج فار وویمن اٹک میں طالبات کی ہراسگی  سے تحفظ کے بارے میں سیمینار کا انعقاد کیا گیا جس میں اٹک پولیس کے پی آر او سب انسپکٹر  طاہر اقبال  اور اینٹی وویمن ہراسمنٹ اینڈ وائلنس سیل  کی ذمہ دار سب انسپکٹر فوزیہ رحمان نے طالبات کو ان کے حقوق کی آگاہی اور کسی قسم کی ہراسگی یا تشدد کی صورت میں قانونی طریقہ کار سے آگاہ کیا ۔طالبات کو بتایا گیا کہ ریاست ماں کی طرح ہوتی ہے اور جسطرح ایک ماں اپنے بچوں کی حفاظت کو یقینی بناتی ہے بالکل اسی طرح ریاست بھی اپنے شہریوں کی حفاظت کے فریضہ کو اپنے اداروں کے ذریعے سر انجام دیتی ہے ۔حکومت پنجاب اور پنجاب پولیس کی طرف سے خواتین کو ہراسگی اور تشدد سے محفوظ ماحول کی فراہمی کے لیے پنجاب بھر میں اینٹی وویمن ہراسمنٹ اینڈ وائلنس سیل  کا قیام عمل میں لایا گیا ہے اور انسپکٹر لیول کے افسران کو ان سیلز کا انچار ج مقرر کیا گیا ہے خواتین بلاجھجک اپنے مسائل کے لیے رابطہ کر سکتی ہیں۔اینٹی وویمن ہراسمنٹ اینڈ وائلنس سیل اٹک کے نمبرز درج ذیل ہیں 
111-114-357
057-9316497
057-9316498
057-9316499
سیمینار کا مقصد طالبات کو احساس تحفظ فراہم کرنا تھا اور انہیں یہ آگاہی فراہم کرنی تھی کہ اٹک پولیس کسی بھی شخص کو کسی بھی خاتون سے ہراسگی جیسا قبیح فعل کرنے کی اجازت ہر گز نہ دے گی اور ایسا کرنے والا شخص حوالات کی سلاخوں کے پیچھے ہو گا ۔ڈسٹرکٹ پولیس آفیسر اٹک رانا شعیب محمودنے اس موقع پر ضلع بھر کی خواتین کے نام اپنے پیغام میں کہا ہے کہ  وہ اٹک پولیس پر بھروسہ کریں اور کسی بھی ہراسگی کی شکایت کی صورت میں بلاجھجک پولیس سے رابطہ کریں ۔ اٹک پولیس خواتین کے تحفظ کو یقینی بناتے ہوئے کسی شخص کو عورتوں کے حقوق کی خلاف ورزی کی اجازت ہر گز نہیں دے گی ۔ 
ترجمان اٹک پولیس