ڈسٹرکٹ پولیس آفیسراٹک سید شہزاد ندیم بخاری نے ڈی پی او آفس اٹک میں کھلی کچہری کا انعقاد کیا جس میں عوام کی کثیر تعداد نے شرکت کی ۔کھلی کچہری میں عوام نے اپنے اپنے مسائل ڈی پی او اٹک کو بتائے جن پر انہوں نے موقع پر انکو حل کرنے کے احکامات جاری کئے۔اس موقع پر انکا کہنا تھا کہ انکے دفتر کے دروازے ہمہ وقت عوام کیلئے کھلے ہیں اور وہ عوام الناس کی حفاظت کا مقدس فریضہ پوری تندہی اور لگن سے انجام دے رہے ہیں ۔رات گئے تک خود گشت کی نگرانی کرتے ہیں چیزوں کو جدید بنیادوں پر استوار کیا جا رہا ہے اور ضلع کے امن و امان کے قیام کیلئے کوئی دقیقہ فروگزاشت نہیں کیا جائے گا۔انہوں نے عوام سے اپیل کی کہ اگر وہ کسی بھی مشکوک شخص یا مشکوک سرگرمی کو دیکھیں تو فوری پولیس کو اطلاع دیں۔
