محکمہ پولیس ضلع اٹک
شعبہ اطلاعات و تعلقات عامہ
کورونا وائرس کی وجہ سے غیر معمولی حالات کے باوجوداٹک پولیس کی ریکارڈ پروفیشنل کارکردگی،ماہ اپریل 2020 میں اٹک پولیس نے78مجرمان اشتہاری کو گرفتار کر کے پابند سلاسل کیا جبکہ ریکارڈ تعداد میں11من چرس برآمد کی گئی ۔
تفصیلات کے مطابق اٹک پولیس نے ڈی پی او اٹک سید خالد ہمدانی کی پروفیشنل کمانڈ میں ماہ اپریل 2020 کے دوران نمایاں کارکردگی کا مظاہرہ کیا۔ماہ اپریل 2020 میں اٹک پولیس نے کیٹگری اے کے 14 خطرناک مجرمان اشتہاری جبکہ کیٹگری بی 64 مجرمان اشتہاری گرفتار کیے ۔ماہ اپریل کے دوران پولیس نے قمار بازی کے خلاف خصوصی آپریشن کے دوران جوے کے متعدد اڈوں پر چھاپے مار کر داؤ پر لگی87لاکھ83ہزار 560روپے کی بڑی رقم بر آمد کی۔ ماہ اپریل کے دوران اٹک پولیس کی منشیات کے خلاف مہم انتہائی کامیاب رہی،پولیس نے صوبہ کے پی کے سے پنجاب میں منشیات سمگل کرنے کی کوششیں ناکام بناتے ہوئے مختلف منشیات فرشوں سے11من چرس،1500گرام افیون،10بوتل شراب بر آمد کی۔اسکے علاوہ اسلحہ ناجائز رکھنے والوں کے خلاف کاروائی کرتے ہوئے 37 پسٹل ،02ریوالور ،02رائفل،02 بندوق ،01خنجر اورسینکڑوں گولیاں برآمد کی گئیں ۔اٹک پولیس نے پتنگ فروشوں کے خلاف کاروائی کرتے ہوئے متعدد مقدمات درج کر کے 12257 پتنگیں اور 772ڈوریں برآمد کی گئیں ۔اٹک پولیس نے بغیر نمبر اور رجسٹریشن وئیکلز کے خلاف کاروائی کرتے ہوئے 07 کاریں ،35 موٹر سائیکلز بند کیے ۔ڈی پی او اٹک خالد ہمدانی نے پولیس افسران سے خطاب کرتے ہوئے کہا کہ حالات معمولی ہوں یا غیر معمولی ہمیں ہر قسم کے حالات میں جہاں پر حالات کے مطابق حکومتی ہدایات پر عمل کر کے عوام کو کورونا جیسی وبا سے بچانا ہے وہیں پر جرائم پیشہ عناصر کو بھی قانون کی نکیل ڈالنا ہے،اٹک پولیس کی کارکردگی پر اعلیٰ افسران سمیت سماجی تنظیموں کی طرف سے ڈی پی او کی پروفیشنل کمانڈ کو سراہا جا رہا ہے۔
ترجمان اٹک پولیس
