محکمہ پولیس ضلع اٹک
شعبہ اطلاعات و تعلقات عامہ
ضلع پولیس اٹک نے چاند رات اور عید الفطر کے حوالے سے سیکورٹی پلان جاری کر دیا۔چاند رات اور عید الفطر پر1652پولیس افسران اور جوان ڈیوٹی سر انجام دیں گے۔عید الفطر کے موقع پر ضلع بھر میں 24/7پولیس پٹرولنگ کا مربوط نظام ترتیب دے دیا گیا ہے۔
تفصیلات کے مطابق ڈسٹرکٹ پولیس آفیسر اٹک سید خالد ہمدانی کی ہدایت پر ضلع پولیس اٹک نے چاند رات اور عید الفطر کے لئے پولیس سیکورٹی کا فول پروف پلان جاری کر دیا ہے جس کے مطابق ضلع بھر میں چاند رات پرمین بازار ،اہم چوراہوں اور مختلف شاہراوں پر پولیس پکٹس لگادی گئی ہیں جن پر پولیس کے افسران اور جوان ڈیوٹی سر انجام دیں گے ۔عید الفطر کے موقع پر 322 مساجد اور 24 کھلے مقامات پر عید کی نماز ادا کی جائے گی جس کی سیکیورٹی کے لیے 1652 پولیس افسران اور جوان تعینات کیے گئے ہیں ۔علاوہ ازیں ایلیٹ فورس ،سپیشل برانچ اور لیڈیز پولیس بھی اس موقع پرڈیوٹی سر انجام دیں گے۔ جبکہ تمام سپر وائزری آفیسر ز بشمول ایس ڈی پی اوز ، ایس ایچ اوز اور انچارج چوکیات کو دوران ادائیگی نماز عید الفطر امن و امان قائم رکھنے کے لیےموثر پٹرولنگ جاری رکھنے ، داخلی اور خارجی راستوں پر سخت چیکنگ کے احکامات جاری کیے گئے ہیں ۔چاند رات اور عید الفطر کے موقع پر ہوئی فائرنگ اورہلڑ بازی کرنے والوں کے خلاف زیرو ٹالرنس پالیسی ہو گی اور قانون کی خلاف ورزی کرنے والوں کے خلاف سخت کاروائی عمل میں لائی جائے گی ۔اس موقع پر ڈی پی او اٹک کا کہنا تھا کہ تمام سیکیورٹی انتظامات کی سپر ویژن وہ خود کریں گے اور ہمیشہ کی طرح اس دفعہ بھی اٹک پولیس سیکیورٹی کے معاملات میں کوئی کمپرومائز نہیں کرے گی ۔کسی بھی ناگہانی صورت حال سے نمٹنے کے لیے پولیس ہیڈ کواٹرز میں پولیس کی اضافی نفری سٹینڈ بائی رہے گی۔ ڈی پی او اٹک نے پولیس افسران کے نام اپنے پیغام میں کہا کہ عید کے پر مسرت موقع پر دوران ڈیوٹی عوام کے ساتھ خوش اخلاقی کے ساتھ پیش آئیں اورڈیوٹی میں کوئی غفلت اور سستی برداشت نہ کی جائے گی ۔
ترجمان اٹک پولیس
