محکمہ پولیس ضلع اٹک
شعبہ اطلاعات وتعلقات عامہ
ڈسٹرکٹ پولیس آفیسر اٹک سید خالد ہمدانی کی تمام سرکلزکے ایس ڈی پی اوز، ایس ایچ اوز،چوکی انچارجز اور ہومیسائیڈ انوسٹیگیشن(HIU) یونٹس کے ساتھ کرائم میٹنگ۔کرائم میٹنگ میں تھانہ جات کے کرائم بالخصوص سنگین مقدمات قتل،ڈکیتی اوراس کے علاوہ چوری،راہزنی وغیر ہ کو میرٹ پریکسو کرنے، ملزمان کی گرفتاری اور مجرمان اشتہاریوں کے ریکارڈ کا الگ الگ جائزہ لیا گیا، محرم الحرام کے دوران سیکیورٹی کے فول پروف انتظامات کے احکامات جاری کیے،
تفصیلات کے مطابق ڈی پی او اٹک سید خالد ہمدانی کی سربراہی میں پولیس لائنز اٹک میں کرائم میٹنگ اور محرم الحرام کے حوالے سے سیکیورٹی میٹنگ کا انعقاد کیا گیا جس میں تمام سرکلز کے ایس ڈی پی اوز، ایس ایچ اوز،چوکی انچارجز اور ہومیسائیڈ انوسٹیگیشن(HIU)یونٹ کے انچارجز نے شرکت کی جس میں ڈی پی او اٹک نے تمام ایس ڈی پی اوز، ایس ایچ اوز سمیت تمام فیلڈ افسران اور انچارجز کی کار کردگی کا تفصیلی جائزہ لیا۔ ڈی پی او اٹک نے مجموعی طور پر جرائم کی شرح اور پولیس کی کار کردگی کا جائزہ لیتے ہوئے سنگین مقدمات بالخصوص قتل کے زیر تفتیش مقدمات کو یکسو کرنے،قتل کے بقیہ ملزمان کو گرفتار کرنے اور کییٹگری اے کے مجرمان اشتہاری کی گرفتاری پرخصوصی زور دیا۔ اس موقع پر ڈی پی او اٹک سید خالد ہمدانی کا کہنا تھا کہ محرم الحرام کے دوران سیکیورٹی کے سخت انتظامات کیے جائیں گے اس حوالے سے ضلعی امن کمیٹی کے ممبران سے میٹنگ کا انعقاد کیا جارہا ہے تاکہ امن و امان کا قیام یقینی بنایا جا سکے۔ڈ ی پی او اٹک کامزید کہنا تھاکہ محرم الحرام کے سیکیورٹی کے حوالے سے کسی قسم کی کوتاہی برداشت نہیں کی جائے گی اور جلوسوں کے روٹس کی بی ڈی سرچنگ پر کسی قسم کا سمجھوتا نہیں کیا جائیگا۔ان کا مزید کہنا تھاکہ مجالس اور جلوسوں کی سیکیو رٹی کی بابت انتہائی منظم اور سائینٹیفک پلان تیار ہیں جن پر عمل درآمد کرانا متعلقہ ایس ڈی پی او اور ایس ایچ او کی ذمہ داری ہو گی۔
ترجمان اٹک پولیس
