محکمہ پولیس ضلع اٹک از دفتر پی -آر-او اٹک پولیس کا محرم الحرام کے سلسلہ میں ضلع بھر میں امن و امان برقرار رکھنے کے لیے سرچ آپریشنز کا سلسلہ جاری ہے. تفصیلات کے مطابق ڈی پی او اٹک سید خالد ہمدانی کی ہدایات پر محرم الحرام کے سلسلہ میں ضلع بھر میں سرچ آپریشنز کا سلسلہ جاری ہے.سرچ آپریشنز تھانہ پنڈیگھیب اور تھانہ رنگو کے ایریا میں ایس ایچ اوز کے زیر نگرانی ہوئے۔جس میں پولیس کی نفری نے شرکت کی .سرچ آپریشنز پنڈیگھیب کےعلاقہ ملہوالی اور تھانہ رنگو کے علاقہ باسیہ میں کیے گئے۔سرچ آپریشنز میں 51گھروں کی سرچنگ کی گئی اور 109مشکوک افراد کے کوائف درج کیے گئے. اس حوالے سے ڈسٹرکٹ پولیس آفیسر اٹک سید خالد ہمدانی کا کہنا تھا کہ سرچ آپریشن کا مقصد محرم الحرام میں ضلع اٹک کی سکیورٹی کو موثر بنانا اور امن و امان کی فضاء کو برقرار رکھنا ہے۔ ترجمان اٹک پولیس
