ڈسٹرکٹ پولیس آفیسر اٹک سید خالد ہمدانی نے محرم الحرام میں مجالس کی سیکیورٹی کو فول پروف بنانے کے لیے تمام افسران کو احکامات جاری کر دیئے۔تمام جلوسوں اور مجالس کی سیکیورٹی کو فول پروف بنایا جا رہا ہے۔تمام پوائنٹس پر بامسلح اور الرٹ پولیس افسران تعینات کیے جا رہے ہیں۔جلوسوں اور مجالس میں شرکت کرنے والے تمام افراد کو مکمل چیک کیا جا رہا ہے۔قریب کی چھتوں پر سنائپرز تعینات کیے گئے ہیں تاکہ کسی بھی قسم کی تخریب کاری کی کاروائی کو روکا جا سکے۔ڈسٹرکٹ پولیس آفیسر اٹک سید خالد ہمدانی نے اس عزم کا اعادہ کیا ہے کہ اٹک پولیس کسی بھی دہشت گردی یا تخریب کاری کی کاروائی سے نمٹنے کے لیے ہمہ وقت تیار ہے۔ ترجمان اٹک پولیس
