ڈسٹرکٹ پولیس آفیسر اٹک سید خالد ہمدانی کی خصوصی ہدایت پر 10 محرم الحرام کے جلوس اور مجالس کی سیکیورٹی کو فول پروف بنایا گیا ہے۔تمام پوائنٹس پر بامسلح اور الرٹ پولیس افسران تعینات کیے گئے ہیں۔جلوسوں اور مجالس میں شرکت کرنے والے تمام افراد کو مکمل چیک کیا جا رہا ہے۔قریب کی چھتوں پر سنائپرز تعینات کیے گئے ہیں تاکہ کسی بھی قسم کی تخریب کاری کی کاروائی کو روکا جا سکے بم ڈسپوزل سکواڈ اور سنفر ڈاگز کے ذریعے روٹس کی سویپنگ کی جارہی ہے۔ڈسٹرکٹ پولیس آفیسر اٹک سید خالد ہمدانی نے اس عزم کا اعادہ کیا ہے کہ اٹک پولیس عوام الناس کی حفاظت کا مقدس فریضہ جانفشانی سے ادا کرے گی اور اٹک پولیس کسی بھی دہشت گردی یا تخریب کاری کی کاروائی سے نمٹنے کے لیے ہمہ وقت تیار ہے۔
ترجمان اٹک پولیس
