محکمہ پولیس ضلع اٹک
شعبہ اطلاعات و تعلقات عامہ
اٹک پولیس کی ریکارڈ پروفیشنل کارکردگی،ماہ ستمبر2020 میں اٹک پولیس نے27مجرمان اشتہاری کو گرفتار کر کے پابند سلاسل کیا جبکہ ریکارڈ تعداد میں 02من19کلو چرس برآمد کی گئی۔
تفصیلات کے مطابق اٹک پولیس نے ڈی پی او اٹک سید خالد ہمدانی کی پروفیشنل کمانڈ میں ماہ ستمبر 2020 کے دوران نمایاں کارکردگی کا مظاہرہ کیا۔ماہ ستمبر 2020 میں اٹک پولیس نے کیٹگری اے کے8 0 خطرناک مجرمان اشتہاری جبکہ کیٹگری بی19 مجرمان اشتہاری گرفتار کیے اور28عدالتی مفروران کو گرفتار کیا گیا۔ماہ ستمبر کے دوران پولیس نے قمار بازی کے خلاف خصوصی آپریشن کے دوران جوے کے متعدد اڈوں پر چھاپے مار کر داؤ پر لگی 12 لاکھ61ہزار960روپے کی بڑی رقم بر آمد کی۔ ماہ ستمبر کے دوران اٹک پولیس کی منشیات کے خلاف مہم انتہائی کامیاب رہی،پولیس نے صوبہ کے پی کے سے پنجاب میں منشیات سمگل کرنے کی کوششیں ناکام بناتے ہوئے مختلف منشیات فرشوں سے02من19 کلو چرس،1.820کلو گرام ہیروئن،68 بوتل شراب بر آمد کی۔اسکے علاوہ اسلحہ ناجائز رکھنے والوں کے خلاف کاروائی کرتے ہوئے47پسٹل،08 کلاشنکوف،06رائفل،01عدد ریوالور اورسینکڑوں گولیاں برآمد کی گئیں۔اٹک پولیس نے پتنگ فروشوں کے خلاف کاروائی کرتے ہوئے متعدد مقدمات درج کر کے150 پتنگیں اور05ڈوریں معہ 02عدد چرخیاں برآمد کی گئیں۔اس موقع پر ڈی پی او اٹک سید خالد ہمدانی نے عوام الناس کے نام اپنے پیغام میں کہا کہ اٹک پولیس آپ کی جان و مال اور آبرو کے تحفظ کو اپنا اولین فریضہ سمجھتی ہے اور اس سلسلہ میں ہر وہ قدم اٹھایا جا رہا ہے جس سے ضلع امن کا گہوارہ بنایا جا سکے۔
ترجمان اٹک پولیس
