محکمہ پولیس ضلع اٹک
(شعبہ اطلاعات و تعلقات عامہ)
ڈسٹرکٹ پولیس آفیسر اٹک سید خالد ہمدانی نے تھانہ باہتر کا وزٹ کیا،تھانہ میں زیر تعمیر مسجد کا افتتاح کیا اور تھانہ کی صفائی ،ریکارڈ کو چیک کیا۔
تفصیلات کے مطابق ڈسٹرکٹ پولیس آفیسر اٹک سید خالد ہمدانی نے تھانہ باہتر کا وزٹ کیا۔ دوران وزٹ ڈی پی ا و اٹک نے تھانہ میں زیرتعمیر مسجد کا افتتاح کیا۔ تھانہ اور پولیس چوکی کی بلڈنگ اور حوالات میں نسب کیمروں کا جائزہ لیا۔ تھانہ کا ریکارڈ ،مال خانہ ، اسلحہ کوت اور تھانہ کی صفائی کو چیک کیا۔ ڈی پی او اٹک نےفرنٹ ڈیسک آن لائن ریکارڈ کے ذریعے زیر تفتیش مقدمات کا جائز ہ لیااور ان کو جلد از جلد یکسو کرنے کا حکم دیا ۔ڈسٹرکٹ پولیس آفیسر اٹک نے ایس ایچ او سمیت تمام پولیس افسران کو ہدایات دیں کہ تھانہ میں آنے والے ساہلین کے مسائل کو فوری حل کیا کریں اور ان کے ساتھ انتہائی شائستگی کے ساتھ پیش آئیں ۔ جرائم پیشہ افراد کے خلاف کاروائی کر کے شہریوں کے جان و مال کا تحفظ کرنا اٹک کی پولیس کی اولین ترجیح ہے ۔
ترجمان اٹک پولیس
