پنجاب پولیس ضلع اٹک
(شعبہ اطلاعات وتعلقات عامہ)
عید میلاد النبیﷺکے موقع پر سکیورٹی پلان 2020
ڈسٹرکٹ پولیس آفیسر اٹک سیدخالد ہمدانی کی ہدایات پر ضلع بھر میں بسلسلہ عید میلاد النبیﷺسکیورٹی پلان 2020تشکیل دے دیا گیا۔ضلع بھر میں عید میلاد النبیﷺ کے موقع پر 115جلوس نکالیں جائیں گے۔جن میں Aکیٹگیری کے 10کیٹگری Bکے13اور کیٹگری Cکے92جلوس ہوں گے۔عیدمیلاد النبیﷺ کی سکیورٹی کے سلسلہ میں کل 1095افسران ڈیوٹی سرانجام دیں گے جس میں 01اے ایس پی،05ڈی ایس پی،12ایس ایچ اوز،62سب انسپکٹر،70اسسٹنٹ سب انسپکٹر،145ہیڈ کانسٹیبلان اور 800کانسٹیبلان شامل ہوں گے اس کے علاوہ 24پی کیو آر اور 135وولینٹئیرزاپنی خدمات سر انجام دیں گے۔اس موقع پر ڈسٹرکٹ پولیس آفیسر اٹک سیدخالد ہمدانی کا کہنا تھا کہ عوام کی جان و مال کا تحفظ ہر صورت یقینی بنائیں گے۔حساس مقامات کی مانیٹرنگ بذریعہ سی سی ٹی وی کیمرہ جات سے کی جائے گی اس کے علاوہ جلوسوں اور ریلیوں کی سکیورٹی کے لیے واک تھرو گیٹ اور میٹل ڈٹیکیٹرکا استعمال کیا جائے گا۔ ضلع بھر کے انٹری اور ایگزیٹ پوائنٹس پر خصوصی نگرانی رکھی جائے گی۔علاوہ ازیں ہر تھانہ کی سطح پر وولینٹئیرز کی خصوصی تربیت کا اہتمام کیا گیا ہے۔
ترجمان اٹک پولیس
