اٹک پولیس ، پکار 15 ایمرجنسی کی ماہ اپریل 2021کے دوران کارکردگی ، پولیس ریسپانس اوسط ٹائم 09منٹ رہا۔ تفصیلات کے مطابق ماہ اپریل 2021کے دوران پولیس ہیلپ لائن پکار15پر37830کالز موصول ہوئیں۔جن میں سے 27644 کالز جھوٹی پائی گئیں۔1057کالز پر ضلع بھر میں کیسز درج ہوئے۔ 175 کالز پر ٹریفک کے متعلق اور دیگر معاملات میں شہریوں کو مدد فراہم کی گئی۔پولیس ریسپانس اوسط ٹائم09منٹ رہا۔اس موقع پر ڈسٹرکٹ پولیس آفیسر اٹک سید خالد ہمدانی نے عوام کے نام اپنے خصوصی پیغام میں کہا کہ پکار 15 کا مقصد پولیس کا ایمرجنسی صورت حال میں بروقت کاروائی کر کے عوام الناس کے جان و مال کا تحفظ کرنا ہےاس لیے اچھا شہری ہونے کا ثبوت دیتے ہوئےجھوٹی کالز کرنے سے اجتناب کریں۔ ترجمان اٹک پولیس
