ڈسٹرکٹ پولیس آفیسر اٹک رانا شعیب محمود نے ڈی پی او آفس اٹک میں سرکل صدر کے پولیس افسران کے ساتھ کرائم میٹنگ کا انعقاد کیا۔کرائم میٹنگ میں سرکل صدر کے تمام تھانہ جات کے کرائم اور مجرمان اشتہاری کے ریکارڈ کا الگ الگ جائزہ لیا گیا ۔
تفصیلات کے مطابق ڈسٹرکٹ پولیس آفیسر اٹک رانا شعیب محمود نے ڈی پی او آفس اٹک میں سرکل صدر کے پولیس افسران کے ساتھ کرائم میٹنگ کا انعقاد کیا۔ کرائم میٹنگ میں اے ایس صدر سرکل محمد جواد اسحاق ، سرکل صدر کے ایس ایچ اوز اور دیگر پولیس افسران نے شرکت کی ۔ کرائم میٹنگ میں سرکل صدر کے تھانہ جات کے کرائم اور مجرمان اشتہاری کے ریکارڈ الگ الگ جائزہ لیا گیا ۔ڈی پی او اٹک نے مجموعی طور پر جرائم کی شرح اور پولیس کی کار کردگی کا جائزہ لیتے ہوئے سنگین مقدمات اور زیر تفتیش مقدمات میں ملوث ملزمان کی فوری گرفتاری اور ان مقدمات کی جلد از جلد یکسوئی کے احکامات جاری کیے ۔اس موقع پر ڈی پی او اٹک کا کہنا تھا کہ عوام کے ساتھ خوش اخلاقی کے ساتھ پیش آئیں اور عوام کے جائز مسائل کو ترجیحی بنیادوں پر حل کریں ۔
ترجمان اٹک پولیس
