ڈسٹرکٹ پولیس آفیسر اٹک رانا شعیب محمود نے سرکل حضرو کے پولیس افسران سے میٹنگ کی
تفصیلات کے مطابق ڈسٹرکٹ پولیس آفیسر اٹک رانا شعیب محمود نے سرکل حضرو کے پولیس افسران سے میٹنگ کی میٹنگ میں ڈی ایس پی حضرو سمیت ایس ایچ اوز اور تفتیشی افسران نے شرکت کی۔دوران میٹنگ ڈی پی او نے ہر تھانہ کی جرائم کی شرح اور پولیس کارکردگی کا تفصیلی جائزہ لیا۔انہوں نے کہا کہ مجرمان اشتہاریوں اور ناجائز اسلحہ رکھنے والوں کی زیادہ سے زیادہ گرفتاری عمل میں لائیں۔ تھانہ میں آنے والے سائلین کے مسائل ترجیح بنیادوں پر حل کریں ، انصاف کے تقاضے پورے کرتے ہوئے زیر تفتیش مقدمات کو جلد یکسو کیا جائے ۔موثر گشت کرتے ہوئے جرائم پیشہ عناصر کے خلاف بھر پور کاروائی عمل میں لائی جائے ۔
ڈی پی او نے ایس ایچ اوز کو سختی سے ہدایت کی کہ تمام ذرائع بروئے کار لاتے ہوئے سنگین مقدمات میں مطلوب مجرمان اشتہاریوں/ ملزمان کی گرفتاری کو یقینی بنایا جائے اور جلدازجلد زیر تفتیش مقدمات کو حقائق کی روشنی پر یکسوء کیا جائے۔ پولیس اپنی کارکردگی مزید بہتر کریں اور عوام کو پرامن ماحول فراہم کرنے کے لئے ہر ممکن کوشش کی جائے۔
قتل، اقدام قتل، ڈکیتی، راہزنی جیسے جرائم کے خلاف کاروائیاں تیز کی جائیں اور سٹریٹ کرائم اور موٹرسائیکل چوری کی روک تھام کے لیے خصوصی اقدامات کیے جائیں۔
انھوں نے تمام تفتیشی افسران کو ہدایت کی کہ اپنے اپنے علاقہ میں منشیات فروشوں کے خلاف زیادہ سے زیادہ کاروائی کریں مظلوم کی دادرسی کو یقینی بنائیں اور پولیس اپنی کارکردگی بہتر کرئے عوام کے ساتھ بہترین رویہ اپناتے ہوئے انکی شکایات پر فوری عمل درآمد کیا جائے۔۔۔۔۔۔۔۔۔۔۔۔۔۔۔۔ترجمان اٹک پولیس
