ڈسٹرکٹ پولیس آفیسر اٹک عمر سلامت نے اپنے عہدے کا چارج سنبھال لیا۔ڈی پی او اٹک کو پولیس لائنز آمد پر پولیس کے چاق و چوبند دستے نے سلامی دی جس کے بعد انہوں نے یادگار شہداء پر پھولوں کی چادر چڑھائی۔ اس موقع پر انکا کہنا تھا کہ شہدائے پولیس اپنے مقدس لہو سے ارض پاک کے غنچوں کی آبیاری کرتے ہیں۔ آج اس چمن کی بہار شہداء کی قربانیوں کا ثمر ہے۔ انکا مزید کہنا تھا کہ شہداء کے اہلخانہ کی دیکھ بھال انکی اولین ترجیحات میں شامل ہو گی۔ انہوں نے ریزرو انسپکٹر اور لائین افسر کو پولیس لائنز کی صفائی ستھرائی اور فورس کی رہائش کے انتظامات کو بہتر بنانے کے احکامات جاری کئے۔
ترجمان اٹک پولیس
Thursday, June 2, 2022
image:
