ڈسٹرکٹ پولیس آفیسر اٹک ڈاکٹر سردار غیاث گل خان کی تھانہ حضرو میں کھلی کچہری ،سائلین کو ریلیف فراہم کرنے کا حکم
تھانہ لیول پر کھلی کچہری کا مقصد عوام کو سفر کی زحمت سے بچاکر انصاف ان کی دہلیز پر فراہم کرنا ہے ،ڈی پی او اٹک ڈاکٹر سردار غیاث گل خان
تفصیلات کے مطابق ڈسٹرکٹ پولیس آفیسر اٹک ڈاکٹر سردار غیاث گل خان نے تھانہ حضرو میں کھلی کچہری کا انعقاد کیا جس میں شہریوں نے بڑی تعداد میں شرکت کی ۔ڈی پی او اٹک نے فرداً فرداً شہریوں کے مسائل سنے اور موقع پر ہی متعلقہ افسران کو میرٹ پر حل کرنے کے احکامات جاری کیے ۔اس موقع پر ان کا کہنا تھا کہ تھانہ سطح پر کھلی کچہری کا مقصد عوام کو سفر کی پریشانی سے بچا کر انصاف ان کی دہلیز پر فراہم کرنا اور شہریوں کو زیادہ سے زیادہ ریلیف اور بروقت انصاف کی فراہمی ہے شہریوں کے اجتماعی و انفرادی مسائل کے حل کے لیے میرے دفتر کے دروازے ہمہ وقت کھلے ہیں ۔منشیات فروشی کی شکایات پر انکا کہنا تھا کہ منشیات فروشوں کی سپلائی چین کو توڑا جائے گا اور اس مکروہ دھندہ میں ملوث عناصر کے خلاف ہنگامی بنیادوں پر کاروائیاں جاری ہیں انہوں نے پولیس افسران کو منشیات فروشوں کے خلاف زیرو ٹالرئنس پالیسی کے تحت مزید کاروائیاں جاری رکھنے کا بھی حکم دیا۔ڈی پی او اٹک کا مزید کہنا تھا کہ تھانہ حضرو کے علاقہ میں 9 مختلف مقامات پر خصوصی پولیس پکٹس کا قیام عمل میں لایا گیا ہے جس پر مزید اضافی نفری تعینات کر کے سیکورٹی کے نظام کو مزید بہتر بنایا گیا ہے۔ حضرو کے دیہاتوں میں ٹھیکری پہرہ کا سسٹم بھی رائج کیا جائے تا کہ کیمونٹی پولیسنگ کے ذریعے کرائم کا سدباب بہتر طریقے سے کیا جا سکے۔
ترجمان اٹک پولیس