آئی جی پی پنجاب ڈاکٹر عثمان انور کے ویژن کے مطابق اٹک پولیس کی جانب سے پولیس انٹرن شپ کا دوسرا فیزاختتام پذیر ہوا
طلباء و طالبات کا پنجاب پولیس کے اس اقدام پر فورس کمانڈر کو خراج تحسین ، عملی زندگی میں اس سے کیمونٹی پولیسنگ میں مدد ملے گی
تفصیلات کے مطابق آئی جی پنجاب ڈاکٹر عثمان انور کے ویژن کے عین مطابق ڈسٹرکٹ پولیس آفیسر اٹک ڈاکٹر سردار غیاث گل خان کی زیر نگرانی پولیس انٹرن شپ کے دوسرے فیز کا اختتام ہوا ۔ انٹرن شپ کے سیکنڈ فیز میں طلباءو طالبات کو پولیس لائن،ماڈل پولیس اسٹیشن، فرنٹ ڈیسک،پولیس خدمت مرکز، پولیس تحفظ مرکز، میثاق سینٹر کے وزٹس اور قابل پولیس افسران کی جانب سے پولیس ورکنگ اور مختلف شعبوں سے متعلق لیکچرز دئیے گئے۔اس موقع پر ڈسٹرکٹ پولیس آفیسر اٹک ڈاکٹر سردار غیاث گل خان کا کہنا تھا کہ پولیس انٹرن شپ کا مقصد طلباء و طالبات جوکہ پاکستان کا روشن مستقبل ہیں اپنی عملی زندگی میں آگے چل کر پولیس کااثاثہ بن سکیں اور جس شعبے میں بھی جائیں پولیس کے معاون و مددگار بنیں۔تقریب کے اختتام میں طلباء و طالبات میں سرٹیفیکیٹس بھی تقسیم کیے گئے۔
ترجمان اٹک پولیس