تفصیلات کے مطابق ڈسٹرکٹ پولیس آفیسر اٹک ڈاکٹر سردار غیاث گل خان نے ڈی پی او آفس میں ایک پروقار تقریب کا انعقاد کیا جس میں ضلع بھر کے سپیشل پرسنز کو مدعو کیا گیا ۔دوران تقریب ڈی پی او اٹک نے حاضرین سے انکے مسائل پوچھے اور ترجیحی بنیادوں پر انکو حل کرنے کے احکامات جاری کئے۔ ڈی پی او اٹک نے سپیشل پرسنز میں عیدی اور تحائف تقسیم کرتے ہوئے عوام کے نام اپنے پیغام میں کہا کہ سپیشل پرسنز ہمارے معاشرے کا اہم حصہ ہیں انکی خوشیاں ہماری خوشیاں ہیں آئیے ہم سب ملکر ایک صحت مند معاشرے کی بنیاد رکھیں۔